ಆಪರೇಷನ್ ಫುಟ್‌ಪಾತ್ ಬೆಂಗಳೂರು 2026: 2000 KM ಟಾರ್ಗೆಟ್, 900 ಸಾವುಗಳ ಹಿಂದಿನ ಸತ್ಯ ಮತ್ತು ಪರಿಹಾರ ಏನು?

ಕಳೆದ 1 ತಿಂಗಳಿನಿಂದ ಬೆಂಗಳೂರಿನ ರಸ್ತೆಗಳಲ್ಲಿ ಒಂದೇ ಸದ್ದು. JCB ಯ ಗರ್ಜನೆ. ಬುಲ್ಡೋಸರ್‌ಗಳ ಸದ್ದು. ಹೌದು, ಇದು ಆಪರೇಷನ್ ಫುಟ್‌ಪಾತ್. ವರ್ಷಾನುಗಟ್ಟಲೆ ಫುಟ್‌ಪಾತ್ ಆಕ್ರಮಿಸಿಕೊಂಡಿದ್ದ ದೊಡ್ಡ ಶೋರೂಮ್‌ಗಳ ಮೆಟಲ್ ಶೆಡ್, ಹೋಟೆಲ್ ಬೋರ್ಡ್, ಬೀದಿಬದಿ ಅಂಗಡಿ, ಕಾರ್ ಪಾರ್ಕ್‌ಗಾಗಿ ಹಾಕಿದ ಸಿಮೆಂಟ್ ರಾಂಪ್ ಎಲ್ಲವೂ ಕಣ್ಣೆದರೇ ಒಡೆಯುತ್ತಿದೆ. ಯಾರ ಪ್ರಭಾವಕ್ಕೂ ಇಲ್ಲಿ ಬೆಲೆ ಇಲ್ಲ. ಜುಲೈ 1, 2026 ರಿಂದ ಇಲ್ಲಿವರೆಗೆ 430 KM ಫುಟ್‌ಪಾತ್ ಕ್ಲಿಯರ್ ಆಗಿದೆ. GBA ಅಂದರೆ ಗ್ರೇಟರ್ ಬೆಂಗಳೂರು ಅಥಾರಿಟಿಯ ಟಾರ್ಗೆಟ್ 2000 KM. ಆದರೆ ಇದರ ಬೆನ್ನಲ್ಲೇ ಒಂದು ದೊಡ್ಡ ಪ್ರಶ್ನೆ. ನಮ್ಮ ಬದುಕು ಬೀದಿಗೆ ಬಿತ್ತು ಅಂತ ಸಾವಿರಾರು ಬೀದಿಬದಿ ವ್ಯಾಪಾರಿಗಳ ಆಕ್ರೋಶ.

ಹಾಗಿದ್ರೆ ಈ ಆಪರೇಷನ್ ಯಾಕೆ ಇದರಿಂದ ಯಾರಿಗೆ ಲಾಭ ಯಾರಿಗೆ ನಷ್ಟ ಬನ್ನಿ ಡೀಟೇಲ್ ಆಗಿ ನೋಡೋಣ. 1. ಆಪರೇಷನ್ ಫುಟ್‌ಪಾತ್ ಶುರುವಾದದ್ದು ಯಾಕೆ ಇತ್ತೀಚಿಗೆ ಸುಪ್ರೀಂ ಕೋರ್ಟ್ ಒಂದು ಮಹತ್ವದ ತೀರ್ಪು ಕೊಟ್ಟಿತು. ಫುಟ್‌ಪಾತ್ ಮೇಲೆ ನಡೆಯೋದು ಪ್ರತಿಯೊಬ್ಬ ನಾಗರಿಕನ ಮೂಲಭೂತ ಹಕ್ಕು. ಈ ಆದೇಶದ ಬೆನ್ನಲ್ಲೇ ಕರ್ನಾಟಕ ಸರ್ಕಾರ ಎಚ್ಚೆತ್ತುಕೊಂಡಿದೆ. ನಗರಾಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಅವರ ನೇತೃತ್ವದಲ್ಲಿ GBA ಈ ಕಾರ್ಯಾಚರಣೆ ಶುರು ಮಾಡಿದೆ. ಎಲ್ಲಿ ನಡೀತಿದೆ ಗಾಂಧಿ ಬಜಾರ್, ಮೆಜೆಸ್ಟಿಕ್, ಕೆಆರ್ ಮಾರ್ಕೆಟ್, ಶಿವಾಜಿನಗರ, ಇಂದಿರಾನಗರ, ಮಲ್ಲೇಶ್ವರಂ, ರಾಜಿನಗರ, ಬಸವನಗುಡಿ.

ಅಂದರೆ ಬೆಂಗಳೂರಿನ ಎಲ್ಲಾ ಪ್ರಮುಖ Arterial Roads. ಏನ್ ಒಡೆಯ್ತಿದ್ದಾರೆ. 1. ಕಮರ್ಷಿಯಲ್ ಬಿಲ್ಡಿಂಗ್‌ಗಳ ಮುಂದಿನ ಮೆಟಲ್ ಶೆಡ್. 2. ಫುಟ್‌ಪಾತ್‌ಗೆ ಚಾಚಿದ ಡೆಕೋರೇಟಿವ್ ಬೋರ್ಡ್. 3. ಕಾರ್ ನಿಲ್ಲಿಸಲು ಮಾಡಿದ ಸಿಮೆಂಟ್ ರಾಂಪ್. 4. ತಿಂಗಳಾನುಗಟ್ಟಲೆ ರಸ್ತೆ ಬದಿ ನಿಂತ ಹಳೆ ವಾಹನ. ಇವುಗಳಿಗೆ 7 ದಿನ ನೋಟೀಸ್. ತೆಗೆಯದಿದ್ದರೆ ಹರಾಜು. ಸಿಎಂ ಅವರು ಕೂಡ ಖುದ್ದು ಪರಿಶೀಲನೆ ಮಾಡಿದ್ದಾರೆ. ಒಂದು ಕಾಲಿಡಲು ಜಾಗವಿಲ್ಲದ ಫುಟ್‌ಪಾತ್ ಈಗ ಸಂಪೂರ್ಣ ಕ್ಲಿಯರ್ ಆಗಿದೆ. 2. ಶಾಕಿಂಗ್ ಸ್ಟ್ಯಾಟಿಸ್ಟಿಕ್: ಫುಟ್‌ಪಾತ್ ಇಲ್ಲದೆ ವರ್ಷಕ್ಕೆ 350 ಸಾವು ನಾವು ಫುಟ್‌ಪಾತ್ ಅನ್ನು ಸುಮ್ನೆ ರಸ್ತೆ ಪಕ್ಕದ ಜಾಗ ಎಂದು ಭಾವಿಸುತ್ತೇವೆ.

ಆದರೆ ಇದರ ಕೊರತೆಯಿಂದ ಆಗುವ ಹಾನಿ ತುಂಬಾ ದೊಡ್ಡದು. ಬೆಂಗಳೂರಿನಲ್ಲಿ ಪ್ರತಿ ವರ್ಷ ಕೇವಲ ಫುಟ್‌ಪಾತ್ ಇಲ್ಲದ ಕಾರಣಕ್ಕೆ 300 ರಿಂದ 350 ಜನ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಕಳೆದ 3 ವರ್ಷಗಳಲ್ಲಿ 900+ ಪಾದಚಾರಿಗಳು ಸಾವನ್ನಪ್ಪಿದ್ದಾರೆ. ಇದು ಬೆಂಗಳೂರಿನ ಕಥೆ ಮಾತ್ರವಲ್ಲ. 2019 ರಿಂದ 2024 ರವರೆಗೆ ಭಾರತದಲ್ಲಿ 30,000 ಜನ ಫುಟ್‌ಪಾತ್ ಇಲ್ಲದೆ ರಸ್ತೆಯಲ್ಲಿ ನಡೆದು ವಾಹನ ಅಪಘಾತಕ್ಕೆ ಬಲಿಯಾಗಿದ್ದಾರೆ. ಯಾಕೆ ಹೀಗೆ ಆಗುತ್ತಿದೆ. 1. ಮಕ್ಕಳು, ವೃದ್ಧರು, ಗರ್ಭಿಣಿಯರು ನಿಧಾನವಾಗಿ ರಸ್ತೆ ದಾಟುವಾಗ ವೇಗದ ವಾಹನ ಡಿಕ್ಕಿ. 2. ಫುಟ್‌ಪಾತ್ ಬ್ಲಾಕ್ ಆದಾಗ ಜನ ರಸ್ತೆಗೆ ಇಳಿಯುತ್ತಾರೆ. ಆಗ ಟ್ರಾಫಿಕ್ ಜಾಮ್.

3. ಟ್ರಾಫಿಕ್ ತಪ್ಪಿಸಿಕೊಳ್ಳಲು ಕೆಲವರು ಫುಟ್‌ಪಾತ್ ಮೇಲೆಯೇ ಬೈಕ್ ಓಡಿಸುತ್ತಾರೆ. ಸಿಂಗಾಪುರ್, ಯುರೋಪ್ ದೇಶಗಳಲ್ಲಿ ಫುಟ್‌ಪಾತ್ ಎಂದರೆ ಕೇವಲ ನಡಿಗೆಗೆ ಮಾತ್ರ. ಬೀದಿಬದಿ ವ್ಯಾಪಾರಿಗಳಿಗೆ ಪ್ರತ್ಯೇಕ Designated Vending Zone ಇರುತ್ತದೆ. 3. The Domino Effect: ಫುಟ್‌ಪಾತ್ ಕ್ಲಿಯರ್ ಆದ್ರೆ ಬೆಂಗಳೂರಿಗೆ ಆಗುವ 5 ಲಾಭ ತಜ್ಞರ ಪ್ರಕಾರ ನಗರದ 80% ಸಮಸ್ಯೆ ಫುಟ್‌ಪಾತ್ ಸರಿ ಆದ್ರೆ ಬಗೆಹರಿಯುತ್ತದೆ. 1. ಟ್ರಾಫಿಕ್ ಕಡಿಮೆ: ಮಲ್ಲೇಶ್ವರಂ 8ನೇ ಕ್ರಾಸ್ ಉದಾಹರಣೆ ತೆಗೆದುಕೊಳ್ಳಿ. 30 ಅಡಿ ರಸ್ತೆಯಲ್ಲಿ 10 ಅಡಿ ಫುಟ್‌ಪಾತ್ + 7 ಅಡಿ ಪಾರ್ಕಿಂಗ್ ಹೋದರೆ ಉಳಿಯುವುದು 10 ಅಡಿ ಮಾತ್ರ. ಬಸ್, ಕಾರ್ ಹೇಗೆ ಹೋಗುತ್ತದೆ ಫುಟ್‌ಪಾತ್ ಕ್ಲಿಯರ್ ಆದ್ರೆ ವಾಹನಗಳು ಸರಾಗವಾಗಿ ಚಲಿಸುತ್ತವೆ.

2. ವ್ಯಾಪಾರ ಹೆಚ್ಚಳ: Walkable Cities & Retail Economy concept ಪ್ರಕಾರ ಜನ ಆರಾಮವಾಗಿ ನಡೆದಾಡಿದಾಗ ಶಾಪಿಂಗ್ ಮಾಡುತ್ತಾರೆ. ಆಗ ಅಧಿಕೃತ ಅಂಗಡಿಗಳ ಮಾರಾಟ ಹೆಚ್ಚಾಗುತ್ತದೆ. 3. ಪಬ್ಲಿಕ್ ಟ್ರಾನ್ಸ್‌ಪೋರ್ಟ್: ಮೆಟ್ರೋ ಇಳಿದ ನಂತರ ಮನೆಗೆ ಹೋಗಲು ಕೊನೆಯ 500 ಮೀಟರ್ ನಡೆಯಬೇಕು. ಆ ದಾರಿ ಸೇಫ್ ಇದ್ದರೆ ಮಾತ್ರ ಜನ ಮೆಟ್ರೋ, ಬಸ್ ಬಳಸುತ್ತಾರೆ. 4. ಆರ್ಥಿಕತೆ: ಬೆಂಗಳೂರು ಟ್ರಾಫಿಕ್‌ನಿಂದ ಪ್ರತಿದಿನ ಸಾವಿರ ಕೋಟಿ ನಷ್ಟ. ಟ್ರಾಫಿಕ್ ಕಡಿಮೆ ಆದ್ರೆ ಉತ್ಪಾದನೆ ಹೆಚ್ಚಾಗುತ್ತದೆ. 5. ಆರೋಗ್ಯ: ನಡೆಯಲು ಜಾಗ ಸಿಕ್ಕರೆ Walking ಹೆಚ್ಚಾಗುತ್ತದೆ. BP, Sugar ಕಡಿಮೆ ಆಗುತ್ತದೆ.

4. ಬೀದಿಬದಿ ವ್ಯಾಪಾರಿಗಳ ಭವಿಷ್ಯ: ಸರ್ಕಾರದ ಪ್ಲಾನ್ ಏನು ಇದು ಅತ್ಯಂತ sensitive ವಿಷಯ. ಸಾವಿರಾರು ಕುಟುಂಬಗಳ ಬದುಕಿನ ಪ್ರಶ್ನೆ. ವ್ಯಾಪಾರಿಗಳ ಆಕ್ರೋಶ: 20 ವರ್ಷದಿಂದ ಇದೇ ನಮ್ಮ ಜೀವನ. ಇದ್ದಕ್ಕಿದ್ದಂತೆ ಎಬ್ಬಿಸುತ್ತೀರಾ GBA ಮತ್ತು ಸರ್ಕಾರದ ಉತ್ತರ: 1. ಇದು ಒಕ್ಕಲೆಬ್ಬಿಸುವಿಕೆ ಅಲ್ಲ ಸ್ಥಳಾಂತರ ಮಾತ್ರ. 2. ಈಗ ಕ್ಲಿಯರ್ ಮಾಡುತ್ತಿರುವುದು ಕೇವಲ 20%. ಅಂದರೆ ಮುಖ್ಯ ರಸ್ತೆಗಳು ಮಾತ್ರ. ಉಳಿದ 80% ವಾರ್ಡ್ ರಸ್ತೆಗಳಲ್ಲಿ ವ್ಯಾಪಾರಕ್ಕೆ ಅವಕಾಶಯು 3. 2014 ರ ಬೀದಿಬದಿ ವ್ಯಾಪಾರಿಗಳ ಕಾಯ್ದೆ ಪ್ರಕಾರ ಪರ್ಯಾಯ ಜಾಗ ಕೊಡದೆ ಎಬ್ಬಿಸಲು ಆಗುವುದಿಲ್ಲ.‌ 4. ಅರ್ಹ ವ್ಯಾಪಾರಿಗಳಿಗೆ ID Card ನೀಡಿ ಅಧಿಕೃತ ವ್ಯಾಪಾರ ವಲಯ ನಿರ್ಮಾಣ ಮಾಡುವ ಭರವಸೆ.

ಒಡೆದ ಫುಟ್‌ಪಾತ್‌ಗಳನ್ನು ರಿಪೇರಿ ಮಾಡಲು 70 ಕೋಟಿ ರೂಪಾಯಿ ಬಜೆಟ್ ಮೀಸಲಿಟ್ಟಿದ್ದಾರೆ. 5. ಪರಿಹಾರ ಏನು Balance ಹೇಗೆ ಸಾಧಿಸುವುದು ಜನರ ಜೀವ ಮುಖ್ಯ. ವ್ಯಾಪಾರಿಗಳ ಜೀವನವೂ ಮುಖ್ಯ. ಎರಡನ್ನೂ balance ಮಾಡಬೇಕು. ಆದರ್ಶ ಪರಿಹಾರ: 1. ಮುಖ್ಯ ರಸ್ತೆ 100% ಕ್ಲಿಯರ್. ನಡಿಗೆಗೆ ಮಾತ್ರ. 2. ಪ್ರತಿ ಏರಿಯಾದಲ್ಲಿ 1 KM Dedicated Street Market. ಅಲ್ಲಿ ವಾಹನ ಬ್ಯಾನ್. ಕೇವಲ ಜನ ಮತ್ತು ವ್ಯಾಪಾರಿಗಳು. ಉದಾ: VV Puram Food Street. 3. ಎಲ್ಲಾ ಅರ್ಹ ವ್ಯಾಪಾರಿಗಳನ್ನು Digital ಆಗಿ Map ಮಾಡಿ ಜಾಗ Allocate ಮಾಡಬೇಕು ಫುಟ್‌ಪಾತ್ ಒಂದು ನಗರದ ರಕ್ತನಾಳ ಇದ್ದ ಹಾಗೆ.

ರಕ್ತನಾಳದಲ್ಲಿ block ಆದ್ರೆ heart attack ಬರುವಂತೆ, ಫುಟ್‌ಪಾತ್ block ಆದ್ರೆ ನಗರದ ಆರ್ಥಿಕತೆ, ಟ್ರಾಫಿಕ್ ಎಲ್ಲವೂ stuck ಆಗುತ್ತದೆ. ತೀರ್ಮಾನ ಆಪರೇಷನ್ ಫುಟ್‌ಪಾತ್ ಕೇವಲ ಒಡೆಯುವ ಕೆಲಸವಲ್ಲ. ಇದು ಬೆಂಗಳೂರನ್ನು Walkable City ಆಗಿ ಪರಿವರ್ತಿಸುವ ಪ್ರಯತ್ನ. ಆದರೆ ಈ ಕೆಲಸ ಯಶಸ್ವಿ ಆಗಬೇಕಾದರೆ ಸರ್ಕಾರ, ವ್ಯಾಪಾರಿಗಳು ಮತ್ತು ನಾಗರಿಕರು ಮೂವರ ಸಹಕಾರ ಬೇಕು. ಕಾನೂನಿನ ಗೌರವ ಬೇಕು. ನಿಮ್ಮ ಅಭಿಪ್ರಾಯ ಏನು. 1. ನಿಮ್ಮ ಏರಿಯಾದ ಫುಟ್‌ಪಾತ್‌ನ ಸ್ಥಿತಿ ಹೇಗಿದೆ 2. ಸರ್ಕಾರ ವ್ಯಾಪಾರಿಗಳಿಗೆ ಪರ್ಯಾಯ ಜಾಗ ಕೊಡಬೇಕಾ 3. ರಸ್ತೆಯಲ್ಲಿ ಬಸ್ ವೇಗವಾಗಿ ಬಂದಾಗ ಫುಟ್‌ಪಾತ್‌ನಲ್ಲಿ ಬೋರ್ಡ್ ಇದ್ದ ಅನುಭವ ನಿಮಗೂ ಆಗಿದ್ಯಾ. ಕಾಮೆಂಟ್‌ನಲ್ಲಿ ತಪ್ಪದೇ ತಿಳಿಸಿ.